Oor Ons
Welkom by die opwindende wêreld van Statistiek!
Wat is Statistiek?
Statistiek is die wetenskap wat bestudeer hoe kennis uit data verkry word. Dit behels die bestudering van metodes vir data-analise en tegnieke wat help om nuttige inligting uit data te onttrek. Of jy nou in 'n laboratorium, 'n kommersiële instelling, of 'n fabriek werk, data word daagliks versamel en verwerk. Statistiek bied die gereedskap wat nodig is om hierdie data te interpreteer en sin daaruit te maak.
In die boek "A Career in Statistics: Beyond the Numbers" deur Gerald Hahn en Necip Doganaksoy, word verskeie informele definisies van Statistiek aangebied:
- Die wetenskap om te leer uit (of sin te maak uit) data.
- Die teorie en metodes om inligting uit waarnemingsdata te onttrek vir die oplossing van werklike probleme.
- Die wetenskap van onsekerheid.
- Die kwintessensiële interdissiplinêre wetenskap.
- Die kuns om 'n storie met numeriese data te vertel.
Ons vakke sluit in:
- Beskrywende Statistiek
- Beskrywende Statistiek en Inferensie
- Inleidende Statistiese Inferensie
- Inleidende Statistiek
- Praktiese Statistiek
- Inleidende waarskynlikheidsleer
- Waarskynlikheid en Steekproefnemingsteorie
- Statistiese Inferensie en Data-analise
- Statistiese Inferensie en Tydreeksanalise
- Statistiek vir Lewenswetenskappe
- Lineêre Modelle
- Nie-parametriese Metodes
- Meerveranderlike Statistiek
- Stogastiese Prosesse
- Finansiële Statistiek
Loopbaangeleenthede
In die huidige data-gedrewe samelewing is die rol van 'n Statistikus toenemend noodsaaklik. Maatskappye erken die waarde van statistiese opleiding en is aktief op soek na persone met kennis in hierdie area. Die era van die sogenaamde “big data” het die vraag na opgeleide Statistici nog verder laat toeneem.
Statistici word aangestel in 'n verskeidenheid rolle, soos:
- Datawetenskaplikes
- Forensiese Analis
- Data Analis
- Demograaf
- Risiko Analis
- Ekonoom
- Besigheidsanalis
- Biostatistikus