Die Statistiese Konsultasiediens (SKD) van die Potchefstroomkampus van die Noordwes-Universiteit bestaan sedert 1980.
SKD verskaf hulp aan:
- Nagraadse studente en personeel van die Noordwes-Universiteit.
- Nagraadse studente en personeel van ander universiteite.
- Enige kliënte van die privaat sektor (persone en instellings wat nie by enige universiteit geaffilieer is nie).
SKD verleen slegs hulp ten opsigte van kwantitatiewe aspekte van navorsing.
Nota:
Dit word aanbeveel dat kliënte reeds met SKD moet konsulteer tydens die beplanningsfase van 'n navorsingsprojek, en nie slegs nadat data ingesamel is nie.
Indien die konsultasie rakende 'n studenteprojek is, is dit gewens dat die studieleier/ promotor die student tydens die eerste konsultasie vergesel.
Kortkursusse:
Verskeie geakkrediteerde kortkursusse in Statistiek is ook beskikbaar.
- Dit bestaan uit beide ’n teoretiese sowel as ’n praktiese komponent. Die praktiese komponent word met statistiese rekenaarsagtewarepakkette soos STATISTICA, SPSS en R uitgevoer.
- Kortkursusse kan ook pasklaar gemaak word vir maatskappye om hul individuele opleidingsbehoeftes te bevredig in terme van inhoud, statistiekontledingsagteware, kursuslengte, ens. te pas.
- Dit kan ook intern aangebied word indien meer as vyftien afgevaardigdes dit bywoon.